Kalaallit Nunaanni suliffeqarfinnut sulisussarsiuussineq

Pointer A/S’-imi siunnersuisartut Kalaallit Nunaanni atorfinnut inuttassarsiuussinermik ukiunik arlalinnik misilittagaqarput.

Kalaallit Nunaanni pinngortitap, kulturip suliffimmilu qaffakkiartorfissap tungaasigut tupinnaannartunik periarfissarpassuqarpoq. Imaanngilarli Kalaallit Nunaanni suliffissamik neqeroorfigitinneq suliffittulli allatut allamik suliffittaarnerusoq, tassami inuup ulluinnarni inuunini tamaat – naak inuunerup ilaannaaniugaluartoq – arlaatigut allanngorterujussuartussaammagu, tassami kulturimit sungiusimasamit assingunngilluinnartumut nuukkallarneq pisussaammat. Amerlasuutigut aappaq qitornallu ilanngullugit isumasiorneqartussaasarput. Taamaalilluni aalajangerneq annertoorujussuussaaq piffissaagallartillugulu paasiaaqqaarnissaq pisariaqarluni taavalu atorfik pissutsillu allat pillugit paasiniartariaqarlutik, tassami suliffeqarfik sulisorlu iluatsissappata tamakku pisariaqarluinnarmata. Pointer A/S’ip ukiorpassuarnik misilittagaqarnera sulisussarsiuussinerullu ingerlasarneranik misileraalluarsimanera Kalaallit Nunaanni sulisussarsiornissap iluatsinnissaanut tunuliaqutsiivoq.

Kalaallit Nunaanni suliassaqarfinni susassaqarfinnilu tamani atorfilinnut qullersassarsiuussineq, suleqatigiinnut aqutsisussarsiuussineq aammalu immikkut ilisimasalinnik sulisussarsiuussineq Pointer A/S’ip neqeroorutigaa. Suliffeqarfiit ataasiakkaat pisariaqartitaat aallavigalugit peqqissaartumik paasiniaaqqissaartarpugut, atorfimmut inuttassarsiukkamut qinnuteqartussamik piukkunnarnerpaamik nassaarniarluta.

Skandinaviami tamarmi suliffeqarfinnut sulisussarsiuussineq

Skandinaviami tamarmi atorfinnut inuttassarsiuussineq Pointer A/S’-ip neqeroorutigaa.

Ingerlatseqatigiiffik pigisaqaqaterput 2018-imi Helsinki-mi Finland-imiittumi ammarpoq. Pointer OY, Odgers Berndtson Finland suleqatigalugu pilersinneqarpoq, taanna Finland-imi pisortaanernut saqqummiussassatut isikkoqartartunik ukiuni 28-ini sulisussarsiuussisarsimavoq taamaalillunilu nunami tassani attavippassuaqarluni. Pointer OY’imi siunnersuisartut pisortassanik aammalu immikkut ilisimasalinnik Finland-imi inuussutissarsiortuni sulisussanik suliussarsiuussinermik misilittagaqarput.

Norgemi Pointer A/S Raadhusgruppen AS-imik suleqateqarpoq taannalu aqqutigalugu Norgemi atorfinnut inuttassarsiuussinermik neqerooruteqarluni. Raadhusgruppen AS Norgemi sulisussarsiuussinermik immikkut suliaqarpoq Oslomilu qitiusumik allaffeqarluni. Raadhusgruppen AS’imi siunnersuisartut tamarmik aqutsisutut tunuliaqutaqarput Norgemilu inuussutissarsiornerup iluani misilittagaqarluarluni. Pointer Pointer A/S’imik piginnittoq pingaarneq, piginneqatigiiffik Odgers Berndtson A/S aqqutigalugu Sverigemi taamatuttaaq nunani tamalaani sulisussarsiuussineq neqeroorutigisinnaavarput.